ချစ်သော လူငယ်သို့ – အပိုင်း(၂၉)

“ယေ​ရှု​သည် ထွက်​ကြွ၍ လူ​များ​အ​ပေါင်း​တို့​ကို တွေ့​မြင်​တော်​မူ​လျှင်၊ ထို​သူ​တို့​သည် ထိန်း​သူ​မ​ရှိ၊ ပစ်​ထား​သော သိုး​ကဲ့​သို့ ဖြစ်​ကြ​သည်​ကို သ​နား​ခြင်း​စိတ်​တော်​ရှိ၍ များ​စွာ​သော ဆုံး​မ​ဩ​ဝါ​ဒ​ကို ပေး​တော်​မူ၏။”
ရှင်မာကုခရစ်ဝင် ၆း၃၄
“When he went ashore he saw a great crowd, and he had compassion on them, because they were like sheep without a shepherd. And he began to teach them many things.”
Mark 6:34

ထိန်းသူမရှိပစ်ထားတဲ့ သိုးတွေလို လေလွင့်နေတဲ့ များစွာသောလူတွေကို သခင်မြင်တဲ့အခါမှာ ဦးစွာသနားခြင်းစိတ်တော် ရှိတော်မူတယ်။ ဤလောကကို ကယ်တင်ဖို့ရန် ကြွလာတဲ့သခင်အဖို့ ထိုသူတို့ဟာ အင်မတန်မှ တန်ဖိုးရှိပါတယ်။ သခင်ဟာ ကောင်းသောသိုးထိန်းကြီးဖြစ်သောကြောင့် ထို ထိန်းကျောင်းသူမဲ့လျက်ပစ်ထားခံရသောသိုးကဲ့သို့သော လူများအပေါင်းကို ကရုဏာသက်သည်မှာ ထူးဆန်းသည့်အရာမဟုတ်ပါ။ ကောင်းသောသိုးထိန်းဟာ သူ့သိုးတို့ကိုသူသိသောကြောင့် ကောင်းစွာထိန်းကျောင်းတတ်ပါတယ်။ ဒါကြောင့် သခင်ဟာ ထိုသူတို့ကို များစွာသော ဆုံးမဩဝါဒကို ပေးတော်မူပါတယ်။

စာရေးသူနဲ့ချစ်သောလူငယ်တို့အားလုံးဟာ ထိန်းသူမရှိပစ်ထားခံခဲ့ရသော “သိုး”တွေပါ။ သခင်မြင်တွေ့ခဲ့လို့(ကယ်တင်ခဲ့လို့)သာ ကယ်တင်ခြင်းကိုခံရတာပါ။ စဉ်းစားကြည့်ပါ သိုးလိုမျိုး သတ္တဝါဟာ အထိန်းအကျောင်းမဲ့ သွားလာနေမယ်ဆိုရင် ပထမဆုံးသူ့ရဲ့ အဆင်းသဏ္ဌာန် ဟာသိုးမွေးညှပ်ပေးသောသူမရှိသောကြောင့် လှပနေမှာတော့မဟုတ်ပါဘူး။ ဒုတိယအနေနဲ့ သူရဲ့အသက်ရှင်သန်မှုရာခိုင်နှုန်းနည်းပါးနိုင်ပါတယ်၊ ဥပမာ တောကောင်တွေ၊ သူခိုးတွေနဲ့ ရောဂါတွေအားဖြင့်ပေါ့။ သိုးထိန်းရဲ့လက်ထဲ၊ ထိန်းကျောင်းမှုထဲမှာရှိနေတဲ့ သိုးတွေရဲ့အကျိုးဟာ အင်မတန်မှကြီးပါတယ်။ ဒါကြောင့် စာရေးသူအပါအဝင် ချစ်သောလူငယ်တို့အားလုံး ကောင်းသောသိုးထိန်းကြီးရဲ့လက်တော်၌ရှိသည်အရာကို ရေတွက်ချီးမွမ်းလျက် သခင်ပေးတော်မူသော ဆုံးမဩဝါဒ(teaching)အားဖြင့် အသက်ရှင်သောအသက်တာဖြစ်ဖို့လိုပါတယ်။

“ထာ​ဝ​ရ​ဘု​ရား​သည် ငါ၏​သိုး​ထိန်း​ဖြစ်​တော်​မူ၏။ ငါ​သည် ဆင်း​ရဲ​မ​ခံ​ရ။”
ဆာလံကျမ်း ၂၃း၁
“The Lord is my shepherd; I shall not want.”
Psalm 23:1
ထာဝရဘုရားသခင်ဟာ ကျွန်ုပ်တို့ရဲ့သိုးထိန်းဖြစ်တယ်ဆိုတဲ့အခါ တောင့်တစရာဘာရှိမှာလဲ။

“အ​ဘယ်​သို့ ထင်​ကြ​သ​နည်း။ သိုး​တစ်​ရာ​ရှိ​သော​သူ၌ သိုး​တစ်​ကောင်​သည် လမ်း​လွဲ၍​ပျောက်​လျှင်၊ ထို​သူ​သည် ကိုး​ဆယ်​ကိုး​ကောင်​သော သိုး​တို့​ကို တောင်​ပေါ်​မှာ​ထား​ခဲ့​ပြီး​မှ၊ လမ်း​လွဲ၍​ပျောက်​သော သိုး​တစ်​ကောင်​ကို သွား၍​ရှာ​တတ်​သည် မ​ဟုတ်​လော။-”
ရှင်မဿဲခရစ်ဝင်။ ၁၈း၁၂
“What do you think? If a man has a hundred sheep, and one of them has gone astray, does he not leave the ninety-nine on the mountains and go in search of the one that went astray?”
Matthew 18:12
လမ်းလွဲ၍ပျောက်တဲ့ကျွန်ုပ်တို့ကို သေပါစေကွာ ဆိုပြီးသခင်ပစ်မထားပါ။ တွေ့အောင်ရှာပြီး ကယ်ပါတယ်။

“သင်​တို့​သည် အ​ထက်​က​လမ်း​လွဲ၍ ပျောက်​သော​သိုး​ကဲ့​သို့ ဖြစ်​ကြ၏။ ယ​ခု​မူ​ကား၊ သိုး​ထိန်း​တည်း​ဟူ​သော သင်​တို့၏​ဝိ​ညာဉ်​တို့​ကို အုပ်​စိုး​ကြည့်​ရှု​တော်​မူ​သော အ​ရှင်​ထံ​သို့ ပြန်​ရောက်​ကြ​ပြီ။”
ရှင်ပေတရုသြဝါဒစာပထမစောင် ၂း၂၅
“For you were straying like sheep, but have now returned to the Shepherd and Overseer of your souls.”
1 Peter 2:25
ပျောက်ခဲ့ပြီးပြီ။ ဒါပေမယ့် အခုတော့ ဘယ်တော့မှ မပျောက်နိုင်တော့ပြီ။ ဟာလေလုယာ။

“ငါ့​သိုး​တို့​သည် ငါ့​စ​ကား​သံ​ကို​နား​ထောင်၍ ငါ့​နောက်​သို့​လိုက်​ကြ၏။ ထို​သိုး​တို့​ကို ငါ​သိ၏။-”
ရှင်ယောဟန်ခရစ်ဝင် ၁၀း၂၇
“My sheep hear my voice, and I know them, and they follow me.”
John 10:27
သခင့်သိုးမှန်ရင်တော့ သခင့်အသံကိုနားထောင်ပြီးလိုက်မှာပါပဲ။ အဲ့လို နားထောင်ပြီးလိုက်တဲ့ သိုးတွေကိိုလည်း သခင်သိတာပေါ့။

“သို့​ဖြစ်​လျှင်၊ သိုး​ထိန်း​အ​ကြီး ပေါ်​ထွန်း​တော်​မူ​သော​အ​ခါ၊ သင်​တို့​သည် မ​ညှိုး​မ​နွမ်း​တတ်​သော၊ ဘုန်း​ကြီး​သော ပန်း​ဦး​ရစ်​သ​ရ​ဖူ​ကို ခံ​ရ​ကြ​လိမ့်​မည်။”
ရှင်ပေတရုသြဝါဒစာပထမစောင် ၅း၄
“And when the chief Shepherd appears, you will receive the unfading crown of glory.”
1 Peter 5:4

ကျွန်ုပ်တို့ဝိညာဉ်ကိုအုပ်စိုးတော်မူသောကောင်းသောသိုးထိန်းကြီး၏ကယ်တင်တော်မူခြင်းကိုယုံကြည်လျက်၊ ဆုံမဩဝါဒပေးတော်မူသည်အတိုင်း အသံတော်ကိုနားထောင်လျက် ပေါ်ထွန်းတော်မူသည့်တိုင်အောင် အဆုံးတိုင်တည်ကြည်လျက် မညိုးနွမ်း၍ဘုန်းကြီးသောပန်းဦးရစ်သရဖူကို မြော်လင့်လျက် အသက်ရှင်နေပါမည်အကြောင်း

မေတ္တာဖြင့်