အမှန်တကယ် ပြောင်းလဲဖို့

အို “ဘုရားသခင်”၊ အကျွန်ုပ်တို့ကို “ပြောင်းလဲ” စေ၍၊ မျက်နှာတော်အလင်းကို ပြတော်မူပါ။ သို့ပြုလျှင်၊ အကျွန်ုပ်တို့သည် ကယ်တင်ခြင်းသို့ ရောက်ကြပါလိမ့်မည်။ (ဆာလံကျမ်း  ၈၀:၃)

ဆာလံဆရာက “ပြောင်းလဲပေးတဲ့သူ” (ဘုရား) ဆီကိုသွားတယ်
“မျက်နှာတော်အလင်း” ဆိုတဲ့ “ဘုရားရဲ့ကျေးဇူးပြုခြင်း” အားဖြင့် “ကယ်တင်ခြင်း” ကိုခံစားရတယ်

ဘုရားသခင်ဟာ..မပြောင်းလဲတဲ့ဘုရားပါ
“ကိုယ်တော်သည် ပြောင်းလဲတော်မမူပါ။ အသက်တော်လည်း မကုန်မဆုံးရပါ။” (ဆာလံကျမ်း  ၁၀၂:၂၇)
“ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲ နေတော်မူ၏။” (ဟေဗြဲဩဝါဒစာ ၁၃:၈)

မပြောင်းလဲတဲ့ ခမည်းတော်ဘုရားသခင်ဟာ မပြောင်းလဲတဲ့ သူရဲ့သားတော်(မျက်နှာတော်အလင်း) အားဖြင့် ကျွန်ုပ်တို့ကိုပြောင်းလဲစေပြီး ကယ်တင်ခြင်းကျေးဇူးကိုပြုတော်မူတယ်..
“လူမည်သည်ကား၊ ခရစ်တော်၌ရှိလျှင် အသစ် ပြုပြင်သောသတ္တဝါ ဖြစ်၏။ ဟောင်းသောအရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ။” (ကောရိန်သုဩဝါဒစာ ဒုတိယစောင် ၅:၁၇)

အမှန်တကယ်ပြောင်းလဲခြင်းမှာ အမှန်တကယ်ပြောင်းလဲပေးတာ ဘုရားသခင် ပါပဲ …

အမှန်တကယ်ပြောင်းလဲပေးတဲ့ ဘုရားပေးတဲ့..အရာကလည်း
“ထိုကြောင့်၊ ငါတို့သည် မလှုပ်နိုင်သောနိုင်ငံကို ရသည်ဖြစ်၍၊ ခန့်ညားကြောက်ရွံ့သောသဘောနှင့် ဘုရားသခင်ကို လျောက်ပတ်စွာ ဝတ်ပြုနိုင်မည်အကြောင်း၊ ကျေးဇူးတော်ကို စွဲလမ်းကြကုန်အံ့။” (ဟေဗြဲဩဝါဒစာ ၁၂:၂၈)

ခိုင်မာသေချာတဲ့အရာကိုရရှိထားတဲ့ ပြောင်းလဲသူတွေပီပီ ကျေးဇူးတော်ကိုစွဲလမ်းကြရအောင်…
ဒါမှလည်း နိုင်ငံတော်သားပီပီ ကြီးမြတ်တဲ့ဘုရားကို ခန့်ညား၊ ကြောက်ရွံ့၊ လျောက်ပတ်စွာ ကိုးကွယ်နိုင်မှာပေါ့။