ကျမ်းစာနဲ့ပတ်သက်လို့ လူအများစုက ဘုရားတရားနဲ့ပဲ ဆိုင်တယ်လို့ ထင်ကြတယ်။ ကျမ်းစာက ဘာသာရေးကျမ်းသက်သက်ဆိုပြီး ခေါက်ထားတဲ့သူတွေက မနည်းဘူး။ ကျမ်းစာက ခပ်သိမ်းသောအရာတို့ကို ဖန်ဆင်းတော်မူပြီး ပိုင်သတော်မူတဲ့ ဘုရားသခင်ရဲ့ ကျမ်းစာ (သမ္မာတရား) ဆိုတာကို ဘာမှမထင်ကြဘူး.. ကျမ်းစာက အရာခပ်သိမ်းတို့ရဲ့ အဖြေဖြစ်တယ်ဆိုတာ အရာခပ်သိမ်းကိုယ်၌ သက်သေဖြစ်နေပေမယ့် ယနေ့ ကျွန်တော်တို့ လူသားတွေက သတိမမူတော့ ဂူမမြင်ဆိုလိုပဲ ပညာမဲ့နေကြတယ် …
အခုဒီကျမ်းပိုဒ်လေးထဲမှာလည်း အလွန်တရာမှ ရိုးရှင်းသော်လည်း လေးနက်တဲ့ ဘုရားစကားကို တွေ့ရတယ် … ရှင်းပြနေစရာ မလိုလောက်အောက်ကို ရိုးရှင်းသလို လုံးဝအမှန်တရား ဖြစ်ပါတယ်… အဲဒါကတော့ ပညာနဲ့ ပတ်သက်ပြီး သိရှိ၊ ခံယူ၊ ပြုမူ၊ ဆွဲကိုင်ရမယ့် ဘုရားသခင်ရဲ့ ဉာဏ်တော်ကို တွေ့နိုင်ပါတယ်။
ပညာဆိုတာကို အသက်ပမာနှိုင်းထားတယ် – ပညာရဲ့ အရေးပါပုံပေါ့
ပညာဆိုတာ ဆွဲကိုင်ထားရမယ်လို့ဆိုတယ် – သင်ယူလို စိတ်ရှိနေရမယ် ဆိုတဲ့သဘော
ပညာရဲ့ ရလဒ်ကတော့ မင်္ဂလာရှိသောသူ လို့ပြောပါတယ် – ချမ်းသာသောသူမဟုတ်၊ ကြွယ်ဝသောသူမဟုတ်၊ မင်္ဂလာရှိသူ (တနည်းပြောရရင် ဝမ်းမြောက်သောသူ) ဖြစ်ပါတယ်။
ပညာဆိုတာ ဘာလဲ ဆိုတာကို ရိုးရှင်းစွာ သိနားလည်စေပါတယ်။
ပညာရဲ့ အရည်အသွေး၊ ပညာအပေါ်ထားရှိရမယ့် စိတ်နေသဘောထား၊ ပညာအပေါ် စွဲလမ်းခြင်းရဲ့ တန်ဖိုးဖြတ်၍ မရနိုင်သော အသီးအပွင့် တွေကို တွေ့ရပါတယ်။
“ပညာကို ကိုင်ဆွဲသောသူသည် အသက်ပင်ကို ရပြီ။ လက်မလွှတ်သော သူသည် မင်္ဂလာရှိ၏။” (သုတ္တံကျမ်း ၃:၁၈)
ကိုင်တိုင်ဖတ်ရှု ဆင်ခြင်နိုင်ပါစေ –
ဘုရားသခင် ကောင်းကြီးပေးပါစေ
သခင်ယေရှု နာမတော်မြတ်၌
An Abiding Branch