ပညတ်တရား (သို့) ကျေးဇူးတရား အောက်၌အသက်ရှင်နေသလော?

“ဒါဆို ကျွန်တော်တို့ ပညတ်တရားကို ဝန်ခံရအုံးမည်လော။ မုချမလွဲဝန်ခံရမည်ဖြစ်သည်။ အကြောင်းမှာ ပညတ်တရားကိုအကုန်အစင်မကျင့်ကြံနိုင်သောကြောင့်ဖြစ်သည်။ ထို့ကြောင့် အကုန်အစင်ကျင့်ကြံပြင်ဆင် ပေးသော သခင်ယေရှုခရစ်တော် ပြုသောအမှုကို ဝန်ခံခြင်းသည် ပညတ်တရားကိုဝန်ခံခြင်းပင်ဖြစ်သည်။”

ခရစ်တော် တပါး တည်းသာလျှင် ထာဝရဘုရားရဲ့ ပညတ်ကို စုံလင် စွာ လိုက်လျှောက် နိုင်တဲ့သူမို့လို့ ထိုသခင်နှင့် ကိုယ်တော် ပြုုတော် မူသော အမှုကို ယုံကြည်ခြင်း သည် သာမန်လူသား လိုက်လျှောက်ရန် မဖြစ်နိုင် သည့် ပညတ်တရားကို ပြည့်စုံစေသည်။ ထိုသို့အားဖြင့် ဘုရားသခင်၏ ကျေးဇူး‌ပြုတော် မူခြင်း ကို ယုံကြည် လက်ခံခြင်း သည် ပညတ် တရားကို မိမိ၌ ပြည့်စုံစေခြင်းပင် ဖြစ်သည်။

ယုံ​ကြည်​သော​သူ​အ​ပေါင်း​တို့​သည် ဖြောင့်​မတ်​ရာ​သို့ ရောက်​မည်​အ​ကြောင်း၊ ပ​ညတ်​တ​ရား​သည် ခ​ရစ်​တော်​အား​ဖြင့် စုံ​လင်​ခြင်း​ရှိ၏။ ရောမ ၁၀ : ၄

“ဆိုလိုချင်သည်မှာ ကောင်းကင်နိုင်ငံတော်ဝင်ရန် မိမိရဲ့ ပင်ကိုယ်ကျင့်ကြံနိုင်ခြင်း ကောင်းမူကုသိုလ်ဖြင့် ခမည်းတော် ၏ကောင်းကင်နိုင်ငံတော်ဝင်စားခွင့်ရမည်အထင်သည် “ပညတ်တရားအောက်၌ကျင့်ကြံ” အသက်ရှင်ခြင်းပင်ဖြစ် သည်။ ဂလာတိ ၃း၁၀-၁၄ တွင် ပညတ်တရားရဲ့ တောင်းဆိုမှုနှင့် “ပညတ်တရား၏အကျင့်ကိုအမှီပြုသောသူ ရှိသမျှ တို့၏အကျိန်ကို‌ ယေရှုခရစ်တော်ကိုယ်တိုင် ‌ရွေးနှုတ်တော်မူပြီးပြီဖြစ်သည်။ ထိုအမှုပြီးကြောင်းကို ဝန်ခံပြီး 

သော သင်နှင့်ကျွန်ုပ်တို့သည် ဘုရားသခင်၏မေတ္တာတော်၌လုံခြုံစိတ်ချယုံမက၊ ထိုမေတ္တာထဲ၌နှစ်လိုဖွယ်သော အကျင့်၊ အလင်း၌ကျင်လည်သောအလင်း၏သား၊သမီးအဖြစ်လည်းကောင်း၊ ဆာလံ ၁ ကဲ့သို့အသက်ရှင်သော အသက်တာဖြင့် အသက်ရှင်ကြမှာမလွှဲပင်ဖြစ်ပါသည်။

အကယ်၍ မိမိသည်ပညတ်တရားကိုကျင့်သောသူကဲ့သို့ သူတပါးက ရူမြင်သည်ဆိုပါက ပညတ်တရားတို့ကို ဆည်းကပ်သောသူတို့ကိုရခြင်းအလိုငှါ ကျင့်နေခြင်းပင်ဟုဆိုရမည်ဖြစ်ပေသည်။ 

၁ကော ၉း၂၁ “ဘုရားသခင်ရှေ့တော်၌တရားမဲ့မနေ၊ ခရစ်တော်၏တရား ကိုကျင့်သောသူ ဖြစ်သော်လည်း၊ ပညတ်တရားမဲ့သောသူ တို့ကိုရခြင်းအလိုငှါ၊ ပညတ်တရားမဲ့ သောသူတို့၌ ပညတ်တရား မဲ့သောသူကဲ့သို့ဖြစ်၏။” 

1 Corinthians 9:21 To those outside the law I became as one outside the law (not being outside the law of God but under the law of Christ) that I might win those outside the law.

လုပ်ဆောင်လျက်
အလင်း၏သား

အခြေပြုကျမ်းချက်။  ။ ဧဖက် ၂း၁-၁၀ ၊ ရောမ ၅း၁၇-၁၉၊ ဂလာတိ ၂း၂၀၊ ရောမ ၉း၃၀-၃၂၊  ရောမ ၆း၁၅-၂၃ မဿဲ ၇း၂၁၊ ဂလာတိ ၃း၁၀-၁၄၊ ၁ကော ၉း၁၉-၂၇။