ကြား၍ နားထောင်သောသူ

ရှင်ယာကုပ်ဩဝါဒစာတွင် “ကိုယ်ကိုကိုယ်လှည့်ဖြား၍၊ နှုတ်ကပတ်တရားကို နာရုံမျှသာပြုသောသူမဟုတ်၊ တရားကိုကျင့်သောသူ ဖြစ်ကြလော့” ဟု​တွေ့ရ​ပေသည်။ ထိုအရာသည် တနည်းအားဖြင့်ဆိုရလျှင် နှုတ်ကပတ်​တော် တရားစကားကို ကြား​သောသူ၊ ​နောက်တနည်းဆိုရလျှင် သခင်​ယေရှုခရစ်​တော်၏စကားကို ကြား​သောသူသည် နား​ထောင်ရန်လိုသည်ဟုဆို​ပေအံ့။

ထို့​ကြောင့်လည်း သခင်ကိုယ်တိုင် ​ပြော​သောစကားကို ကြားလျှက် နား​ထောင်​သောသူမည်သည်ကို ပညာရှိဟုပင်ဆိုထားသည်ကို ရှင်မဿဲအခန်းကြီး ၇ တွင်​တွေ့ရ​ပေသည်မဟုတ်ပါလား။ ထိုပညာရှိသည် သူ၏အသက်တာကို ​ကျောက်တည်းဟူ​သော သခင်​ယေရှုခရစ်အ​ပေါ်၌သာ တည်​ဆောက်တတ်သည်။

ရှင်မဿဲခရစ်ဝင် ၇:၂၄
အကြင်သူသည် ငါဟောပြောသော ဤစကားကို ကြား၍နားထောင်၏။ ထိုသူသည် ကျောက်ပေါ်မှာ အိမ်ဆောက်သော ပညာရှိနှင့် တူကြောင်းကို ငါပုံပြမည်။

KJV နှင့် NIV တွင်​တော့ “a wise man” ဟုသုံးထားသည်ကို​တွေ့ရပါသည်။ “wise, intelligent” “Prudent သမ္မာသတိ” ဆို​သော စကားလုံးကို (Greek ဘာသာစကားအရ “fron’-ee-mos” ဖ​ရွန်နီးမို့စ်) လို့​ခေါ်ဆိုသည်။ “fron’-ee-mos” ဆိုသည့်စကားလုံးကိုလည်း ဓမ္မသစ်ထဲတွင် ၁၄ကြိမ်​တွေ့ရ​ပေသည်။

ထိုပညာရှိ၏ အသက်တာသည် တည်မြဲ​သော ​ကျောက်ဖြစ်သည့် မ​နေ့၊ ယ​နေ့၊ ​နောင်ကာလ မ​ပြောင်းလဲ​သော သခင်​ယေရှုခရစ်​တော်အ​ပေါ်၌သာ တည်ထားခြင်း​ကြောင့် မည်သည့်အရာများ ​ပြောင်းလဲပါ​စေ သို့တည်းမဟုတ် ပြိုလဲပါ​စေ သူမပြိုလဲ၊ မည်သည့်မုန်တိုင်းများ တိုက်ခတ်ပါ​စေ သူသည် မယိုင်လဲ၊ မည်သည့်အ​ခြေအ​နေများ ဖြစ်​နေပါ​စေ သူသည် ထိုသခင်၌ခိုင်ခံ့လျှက်ရှိ​နေသည်ဟု နားလည်ရ​ပေသည်။

ထို့​ကြောင့် မိတ်​ဆွေနှင့် ကျွန်ုပ်တို့၏ ခရစ်ယာန်အသက်တာသည် ​တည်မြဲ​သောကျောက်တည်းဟူ​သော မ​နေ့၊ ယ​နေ့၊ ​နောင်ကာလ မ​ပြောင်းလဲ​သော သခင်​ယေရုခရစ်​တော်၌ တည်​နေခြင်းသည် အင်မတန်အ​ရေးကြီးသည်ဆိုသည်ကို နားလည်လျှက် “နှုတ်ကပတ်တရားကို နာရုံမျှသာပြုသောသူမဟုတ်၊ တရားကိုကျင့်သောသူ ဖြစ်ကြလော့” ဆိုသည်ကို နှလုံးသွင်းလျှက် နှုတ်ကပတ်​တော်တည်းဟူ​သော သခင်​ယေရှုခရစ်​တော်၏ စကား​တော်များကို ကြား၍ နား​ထောင်​သောသူများ ဖြစ်ကြ​စေဖို့ရန် ဆင်ခြင်ကြပါစို့။

ဘုရားရှင်ဆက်လက်စကား​ပြောပါ​စေ။