အကောင်းဆုံးသော အကြွေး

လူတွေပြောနေကြစကားရှိပါတယ်
“လောကကြီးက မေတ္တာတရားခေါင်းပါးလာပြီကွာ”။
ဟုတ်ပါတယ် ချစ်ခြင်းမေတ္တာခေါင်းပါးလာပါတယ်။ ငတ်ပါများတော့ အရသာဘယ်လိုရှိလည်းတောင်မသိကြတော့ပါဘူး။
ဒီလောကကြီးဟာ မေတ္တာကိုလိုအပ်ပါတယ်။ဆေးဆိုးမေတ္တာ၊ အပေါ်ယံမေတ္တာ၊ ကိုယ်ကျိုးရှာမေတ္တာ၊ ငတေမှာရင်ပြီးရောမေတ္တာ ဆိုတာတွေကပဲ တစ်ဦးပေါ်တစ်ဦးတင်ကျန်လျက် လောကကြီးကိုပြည့်နက်နေစေကြတုန်းပါပဲ။

“အချင်းချင်း ချစ်ခြင်းမေတ္တာမှတစ်ပါး အဘယ်ကြွေးမျှ မတင်စေနှင့်။ သူတစ်ပါးကိုချစ်သောသူသည် အကျင့်တရားနှင့်ပြည့်စုံပြီ။-”
(‭‭ရောမဩဝါဒစာ ၁၃:၈)

မေတ္တာတရားလောကမှာခေါင်းပါးကောင်း ခေါင်းပါးနေပါလိမ့်မယ်။ သို့သော် ယုံကြည်သူခရစ်ယာန်အသက်တာမှာတော့ မခေါင်းပါးသင့်ပါ။
မေတ္တာတရားဟာ အကျင့်တရား(law)ရဲ့ပြည့်စုံရာဖြစ်ပါတယ်။ ပထမဦးစွာထာဝရဘုရားအားချစ်ခြင်း၊ ဒုတိယကိုယ်နှင့်စပ််ဆိုင်သောသူတို့အားချစ်ခြင်းဖြစ်ပါတယ်။

ကျွန်တော်တို့ အားလုံးမှာအကြွေးမတင်ဘူးသူမရှိလောက်ဘူးလို့ထင်ပါတယ်။ အလုပ်နဲ့ပက်သက်တဲ့သူကလည်း အလုပ်နဲ့အလျောက်အကြွေး၊ ကျောင်းစာနဲ့ပက်သက်တဲ့သူကလည်း ကျောင်းစာနဲ့အလျောက်အကြွေး၊ မိသားစုအတွက် အချိန်ပေးဖို့အကြွေး၊ တချို့အတွက်ခက်ခဲဆုံး၊ တခါလေအရက်စက်ဆုံး ငွေကြေးဆိုင်ရာအကြွေး စတာတွေပေါ့။

အကြွေးတင်တာမကောင်းပေမယ့်
အကောင်းဆုံးသောအကြွေးတော့ရှိပါတယ်။

“ဘုရားသခင်၏သားတော်ကို ယုံကြည်သောသူအပေါင်းတို့သည်၊ ပျက်စီးခြင်းသို့မရောက်၊ ထာဝရအသက်ကို ရစေခြင်းငှာ၊ ဘုရားသခင်သည် မိမိ၌ တစ်ပါးတည်းသော သားတော်ကို စွန့်တော်မူသည်တိုင်အောင် လောကီသားတို့ကို ချစ်တော်မူ၏။-”
(‭‭ရှင်ယောဟန်ခရစ်ဝင် ၃:၁၆)

ဘုရားသခင်ဟာသူရဲ့ချစ်ခြင်းကို သားတော်အားဖြင့်ထင်ရှားစွာပြပါတယ်။ သူကျွန်တော်တို့အပေါ်မှာဘာအကြွေးမှတင်ကျန်မနေပါဘူး။ ကျွန်တော့်တို့ကသာ သခင့်ချစ်ခြင်းကို သိမှတ်တုန့်ပြန်ဖို့သာအကြွေးတင်လျက်ရှိနေကြတာပါ။ ထိုနည်းတူ ကိုယ်နှင့်စပ်ဆိုင်သောသူတို့ကိုလည်းပဲပေါ့။
အသက်တာမှာအမှန်တကယ်တင်ကျန်နေရစ်သင့်တဲ့ တစ်ခုတည်းသောအကြွေးဟာ “ချစ်ခြင်းမေတ္တာကြွေး”ပါပဲ။
ဒီလိုဆိုတဲ့အခါ သူကငါ့အပေါ်ကောင်းလို့ ငါသူ့အပေါ်ပြန်ကောင်းမယ်လို့ဆိုခြင်းမဟုတ်ဘဲ ဘုရားသခင်သည် တပါးတည်းသောသားတော်ကို စွန့်သည့်တိုင်အောင် ချစ်သကဲ့သို့တပါးသူအပေါ်မေတ္တာထားဖို့ရာဖြစ်ပါတယ်။ တပါးသူဟာလည်း ထိုသက်စွန့်မေတ္တာကို ခံစားဖို့ရာဖြစ်ပါတယ်။

ကိုယ်တိုင်ကလည်း ပြန်မဆပ်နိုင်တဲ့အချစ်တွေကို ရရှိထာသောကြောင့်၊ တပါးသူဟာကိုယ့်အပေါ် ပြန်မဆပ်နိုင်အောင်လောက်ထိချစ်ပါ။ သခင့်မေတ္တာနှင့် များများချစ်ပေးပါ။ အဲ့အကြွေးပဲ တင်ပါ။

The Blessed Desk λόγος

“ငါတို့သည် အကျိုးနည်းရှိစဉ်တွင် အချိန်တန်မှ ခရစ်တော်သည် မတရားသောသူတို့အတွက်ကြောင့် အသေခံတော်မူ၏။– ဖြောင့်မတ်သောသူအတွက်ကြောင့် အသေခံမည့်သူရှိခဲ၏။ သူတော်ကောင်းအတွက်ကြောင့် အသေခံဝံ့သောသူ ရှိကောင်းရှိလိမ့်မည် မှန်စေတော့။– ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍၊ ဘုရားသခင်သည် ငါတို့ကို အဘယ်မျှလောက် ချစ်တော်မူသည်ကို ငါတို့အား ထင်ရှားစွာပြတော်မူ၏။-”
(‭‭ရောမဩဝါဒစာ ၅:၆–၈)

“ချစ်ခြင်းမေတ္တာရှိသောသူသည် ကိုယ်နှင့် စပ်ဆိုင်သော သူ၏အကျိုးကို မဖျက်ဆီးတတ်။ ထိုကြောင့်၊ ချစ်ခြင်းမေတ္တာသည် အကျင့်တရားပြည့်စုံရာ ဖြစ်သတည်း။”
(‭‭ရောမဩဝါဒစာ ၁၃:၁၀)

တာဝန်အရ ချစ်ခြင်းမဟုတ်ဘဲနဲ့ မေတ္တာနဲ့ချစ်ဖို့ပါ။
ချစ်ခြင်းမေတ္တာသည် တာဝန်ယူတတ်ခြင်းသဘောတည်း။
ကားတိုင်သည်အကျဉ်းတန်သော်လည်း မေတ္တာသည်စစ်မှန်ထင်ရှားပေသည်။

မေတ္တာကြွေးတင်လျက်

#ThyLogos #TheBlessedDesk #TheBestThingToOwe #အကောင်းဆုံးသောအကြွေး